Búgin Senat Bıýrosynda birqatar máseleler qaraldy
ASTANA. 23 qyrkúıek. QazAqparat - Búgin Senat Tóraǵasy Qaırat Mámıdiń tóraǵalyǵymen Qazaqstan Respýblıkasy Parlamenti Senatynyń Bıýrosynyń otyrysy bolyp ótti.
Bul týraly Qazaqstan Respýblıkasy Parlamenti Senatynyń baspasóz qyzmetinen habarlady.
Bıýro otyrysynda Ekonomıkalyq damý jáne kásipkerlik komıteti «2011 jylǵy 25 tamyzdaǵy Qazaqstan Respýblıkasynyń Úkimeti men Koreıa Respýblıkasynyń Úkimeti arasyndaǵy Balqash jylý elektr stantsııasyn damytý, qarjylandyrý, jobalaý, salý, paıdalaný jáne oǵan tehnıkalyq qyzmet kórsetý salasyndaǵy kelisimge ózgerister engizý týraly Qazaqstan Respýblıkasynyń Úkimeti men Koreıa Respýblıkasynyń Úkimeti arasyndaǵy hattamany ratıfıkatsııalaý týraly» Qazaqstan Respýblıkasy Zańy jobasy boıynsha bas komıtet bolyp belgilendi.
«TMD-ǵa qatysýshy memleketterdiń adamdardy memleketaralyq izdestirý týraly shartyn ratıfıkatsııalaý týraly» Zań jobasyna Konstıtýtsııalyq zańnama, sot júıesi jáne quqyq qorǵaý organdary komıteti bas komıtet bolyp bekidi.
Sondaı-aq otyrysta Senat depýtattaryn halqaralyq parlamenttik uıymdarǵa jáne Parlament Senatynyń shet memleketter parlamentterimen yntymaqtastyq jónindegi óńirlik toptarǵa jiberý jónindegi usynystar da qaraldy.
Depýtattar sonymen birge palatanyń bıylǵy jyldyń 26 qyrkúıeginde ótetin kelesi otyrysynyń kún tártibine de toqtaldy. Kelesi otyrysta Qazaqstan Respýblıkasynyń Úkimeti men Qytaı Respýblıkasynyń Úkimeti arasyndaǵy «Qazaqstan-Qytaı» munaı qubyryn damytý jáne paıdalaný kezindegi yntymaqtastyqtyń keıbir máseleleri týraly kelisimdi ratıfıkatsııalaý týraly»; «Qazaqstan Respýblıkasynyń Úkimeti men Koreıa Respýblıkasynyń Úkimeti arasyndaǵy Balqash jylý elektr stantsııasyn damytý, qarjylandyrý, jobalaý, salý, paıdalaný jáne oǵan tehnıkalyq qyzmet kórsetý salasyndaǵy kelisimge ózgerister engizý týraly Qazaqstan Respýblıkasynyń Úkimeti men Koreıa Respýblıkasynyń Úkimeti arasyndaǵy hattamany ratıfıkatsııalaý týraly»; «TMD-ǵa qatysýshy memleketterdiń adamdardy memleketaralyq izdestirý týraly shartyn ratıfıkatsııalaý týraly» Zań jobalaryn qaraý josparlanýda.
Buǵan qosa kelesi otyrysta Senat depýtatttaryn halqaralyq parlamenttik uıymdarǵa jáne Parlament Senatynyń shet memleketter parlamentterimen yntymaqtastyq jónindegi óńirlik toptarǵa jiberý jónindegi usynystar da qaralady.
