Búgin saılaý úderisiniń mádenıeti jeńiske jetýi kerek - Murat Áýezov
ASTANA. 3 sáýir. QazAqparat /Janna Qorqytova/ - Búgin saılaý úderisiniń mádenıeti jeńiske jetýi kerek. Jazýshy, mádenıettanýshy jáne qoǵam qaıratkeri,
Saılaý barysyn baqylaý jónindegi respýblıkalyq qoǵamdyq komıssııanyń quramyna kiretin Murat Áýezov jýrnalısterge bergen suhbatynda osylaı dedi.
M.Áýezovtyń aıtýynsha, erikti negizde qurylǵan komıssııaǵa 15 adam kirip otyr, olardyń qatarynda tanymal jazýshylar, jýrnalıster jáne qoǵam qaıratkerleri bar.
«Adamdardy saılaýǵa boıkot jarııalaýǵa úndep júrgenderdiki qatelik dep sanaımyn. Másele, kimniń jeńetindiginde emes, bul kúni saılaý úderisiniń mádenıeti jeńiske jetýi kerek. Bul máselede syrt qalýǵa, toqyrap qalýǵa bolmaıdy. Óz tańdaýyn jasaýǵa qabiletsiz adamdar erkin ómir súrý, ashyq azamattyq qoǵam qurý qabiletinen aırylady»,- deıdi M.Áýezov.
«Saılaýǵa qoǵamǵa óte qajet. Saılaýǵa barý, daýys berý kerek. Kimge daýys berý - mańyzdy emes. Saılaýǵa túsip otyrǵan kez kelgen kandıdatty tańdaı alasyz. Tek ózimizdi saılaý quqyǵynan, tańdaý quqyǵynan aıyrmaýymyz kerek. Tańdaýdy toqtatqan sátten bastap, sen kúıbeń tirshiliktiń qulysyń. Al bizdiń azamattarymyzdyń sana-sezimi sergek bolýy kerek», dep atap kórsetti jazýshy óz sózinde.
