Búgin San-Paýlýda Ronaldonyń qoshtasý matchy ótedi

Bul kezdesý Brazılııa men Rýmynııa quramasynyń arasynda bolady, dep habarlaıdy álemdik BAQ-tar.

Teńbil dop sheberi Brazılııa quramasynyń qatarynda sońǵy ret alańǵa 2006 jyly Germanııada ótken álem chempıonatynda shyqqan edi. Sol joly Brazılııa shırek fınalda Frantsııadan 0:1 esebimen jeńilip, jarys jolynan shyǵyp qalǵan bolatyn.

Odan keıin jalǵasqan jaraqattar Ronaldoǵa óz eli úshin óner kórsetýge múmkindik bermedi. Aǵymdaǵy jyldyń basynda fýtbolshy málimdeme jasap, sońǵy ýaqytta densaýlyǵy syr bere bastaǵandyqtan úlken sportpen qoshtasatyndyǵyn jarııa etti.

Ronaldo eki ret álem chempıony, FIFA nusqasy boıynsha úsh ret jyldyń úzdik fýtbolshysy atanǵan.