Búgin Rojdestvo kúni merekelik sharalar ótedi
ASTANA. QazAqparat - 7 qańtarda barsha álemniń pravoslav hrıstıandary Rojdestvo merekesin atap ótedi.
Astanada Rojdestvo merekesine oraı merekelik sharalar tańerteń saǵat 9.00 tańǵy merekelik lıtýrgııadan keıin bastalady, al saǵat 11:00 Qazaqstan pravoslavıelik shirkeýi men memlekettik bılik ókilderiniń quttyqtaý rásimi ótedi. Mereke sońynda saǵat 17:00 Ýspen kafedraldy soborynda rojdestvolyq kesh uıymdastyrylady.
Sonymen qatar, Astanada merekelik rojdestvolyq sharalar da ótedi. 7 qańtarda saǵat 13:00 áýlıe Kırıll men Mefodıı atyndaǵy rýhanı-mádenı ortalyǵynyń úlken kontsert zalynda (6 sh/a, Kúıshi Dına k-si) balalarǵa arnalǵan Rojdestvolyq shyrsha uıymdastyrylady. Al saǵat 18:00 kópshilik nazaryna rojdestvolyq kontsert usynylady.
10 qańtarda saǵat 12:00 jeksenbilik mektepterdiń pravoslavıelik Rojdestvolyq festıvali, saǵat 18:00 Astanalyq pravoslavıelik jastar qozǵalysy ázirlegen «Rojdestvo po-bolgarskı» rojdestvolyq kontserti uıymdastyrylady.
Eske salaıyq, Qazaqstan Respýblıkasy Eńbek kodeksiniń 96-babyna sáıkes, Qurban aıt jáne Rojdestvo dinı merekeleri resmı merekelerge jatpaıdy, biraq demalys kúnderi bolyp sanalady. Osyǵan oraı, 7 qańtar kúni qazaqstandyqtar demalady.
