Búgin «Rollan Garos» týrnırinde eki qazaqstandyq tennısshi kortqa shyǵady
ASTANA. 21 mamyr. QazAqparat - Búgin, 21 mamyr kúni Parıjde tennısten Frantsııanyń ashyq birinshiligi - «Úlken dýlyǵa» týrnırleriniń biri «Rollan Garos» jalaýyn kóteredi, dep habarlaıdy Vesti.kz.
Qazaqstan tennısshisi Mıhaıl Kýkýshkın biliktilik saıysynyń birinshi aınalymynda 22 jastaǵy belarýs sportshysy Vladımır Ignatıkpen kortqa shyǵady. 25 jastaǵy qazaqstandyq ATP reıtıngisinde 223-orynǵa ıe. Ignatık bolsa, 154-orynǵa jaıǵasqan. Bul sportshylar buryndary eshbir týrnırde joldary túıisip kórmegen.
Qazaqstannyń ekinshi raketkasy Andreı Golýbev 24 jasar kanadalyq Pıter Polanskımen kezdesý ótkizedi. ATP reıtıngisinde Polanskı 212-orynda tur, al jaqynda 17 satyǵa joǵarylaǵan qazaqstandyq tennısshi - 178-shi orynda.
Match 21 mamyr kúni Astana ýaqyty boıynsha 16:40 saǵatta bastalady.
