Búgin Respýblıkanyń soltústik-batys, soltústik jáne ortalyq óńirlerinde jel kúsheıip, keı jerlerde jańbyr jaýady
ASTANA. QazAqparat - Búgin Respýblıkanyń soltústik-batys, soltústik jáne ortalyǵy arqyly atmosferalyq fronttardyń ótýine baılanysty jańbyr jaýyp, naızaǵaı oınaıdy, jel kúsheıedi. Qalǵan aımaqtarynda aýa raıy jaýyn-shashynsyz bolady.
Bul týraly QR ІІM TJK baspasóz qyzmeti habarlaıdy.
Jambyl, Batys Qazaqstan, túnde Almaty, kúndiz Ońtústik Qazaqstan, Mańǵystaý, Aqtóbe, Pavlodar, Qaraǵandy oblystarynyń keı jerlerinde jeldiń kúshi 15-20 m/s-ǵa deıin kúsheııýi yqtımal.
Soltústik Qazaqstan oblysynyń keı jerlerinde jel 15-20 m/s-ǵa deıin kúsheıedi, tuman túsip, burshaq jaýýy yqtımal.
Aqmola oblysynyń keı jerlerinde jeldiń kúshi 15-20 m/s-ǵa deıin jetedi, kúndiz burshaq jaýýy yqtımal.
Qostanaı oblysynda jel 15-20 m/s-ǵa deıin kúsheıedi, keı jerlerinde burshaq jaýýy yqtımal.
Kúndiz Shyǵys Qazaqstan oblysynda qatty ystyq túsýi yqtımal. Qyzylorda oblysynda, Ońtústik Qazaqstan, Jambyl, Batys Qazaqstan, Qostanaı, Qaraǵandy, oblystarynyń keı jerlerinde óte joǵary órt qaýipi saqtalady.
