Búgin respýblıkanyń soltústiginde jaýyn-shashyn bolady
ASTANA. Qazannyń 2-si. QazAqparat - «Qazgıdromettiń» boljaýynsha búgin, qazannyń 2-si kúni Qazaqstannyń basym aýmaǵy atmosferalyq aǵymdarmen baılanysty tsıklonnyń yqpalynda bolady. Sonyń saldarynan keıbir óńirlerde naızaǵaı oınap, jańbyr jaýady, uıytqyp jel turady.
Al respýblıkanyń soltústik bóliginde jaýyn-shashyn (jańbyr, qar) bolýy yqtımal.
Máselen, Qostanaı, Pavlodar, Shyǵys Qazaqstan, Aqtóbe, Atyraý, Mańǵystaý, Aqmola, Qyzylorda, kúndiz Batys Qazaqstan, Qaraǵandy, túnde Soltústik Qazaqstan oblystarynyń jekelegen jerlerinde 15-22 m/s jyldamdyqta jel soǵady. Qyzylorda oblysynda shańdy daýyl boraıdy.
Almaty oblysynyń Jalańashkól aýmaǵynda ońtústik-shyǵystan soqqan jeldiń ekpini sekýndyna 18-23 metrdi quraıdy dep boljanýda, onyń kúshi keı ýaqyttary 28 m/s-qa deıin jetýi yqtımal.
Sondaı-aq «Qazgıdromet» búgin, Qazaqstannyń ońtústik, ortalyq, batys, shyǵys jáne ońtústik-shyǵysynyń keı jerlerinde joǵary órt qaýpi saqtalatynyn eskertti.
