Búgin respýblıkanyń ońtústiginde úsik júrýi múmkin

ASTANA. QazAqparat – 4 qazanda elimizdiń tórt oblysynda úsik kútiledi. Bul týraly QazAqparat Qazgıdromet-ke silteme jasap habarlaıdy.

Aqtóbe oblysynyń soltústik, shyǵys, ortalyq bóliginde túnde 3 gradýs úsik kútiledi.

4-6 qazan túnderi Jambyl oblysynyń taýly aımaqtarynda 2 gradýs úsik júredi.

4 qazanda túnde Qyzylorda oblysynyń soltústiginde topyraq betinde 2 gradýs úsik saqtalady.

Túrkistan oblysynyń soltústigi men taýly aımaqtarynda shyǵystan soǵatyn jeldiń kúshi 15-20 m/s jetýi yqtımal. Túnde oblystyń soltústiginde topyraq betinde 2 gradýs úsik júredi.