Búgin respýblıkanyń keı jerlerinde qubylmaly aýa raıy saqtalady
ASTANA. QazAqparat - Búgin atmosferalyq fronttaldyq bólikterdiń ótýine baılanysty respýblıkanyń keı jerlerinde qubylmaly aýa raıy saqtalady. Naızaǵaı oınap, jańbyr jaýyp, ekpindi jel soǵady. Túnde jáne tańerteń keı jerlerde tuman kútiledi.
Bul týraly QR ІІM TJK baspasóz qyzmeti habarlaıdy.
Soltústik Qazaqstan, Shyǵys Qazaqstan oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi, naızaǵaı oınap, burshaq jaýady, túnde jáne tańerteń tuman kútiledi. Soltústik Qazaqstan oblysynda keı jerlerde daýyl bolady.
Kúndiz Batys Qazaqstan oblysynyń keı jerlerinde jel kúsheıedi - 15-20 m/s, naızaǵaı oınap, daýyl kútiledi.
Aqmola, Qaraǵandy, Pavlodar, Almaty oblystarynyń keı jerlerinde tuman kútiledi, Pavlodar oblysynyń keı jerlerinde jeldiń jyldamdyǵy 15-20 m/s kúsheıedi. Jambyl, Túrkistan, kúndiz Qyzylorda oblystarynyń keı jerlerinde jel 15-20 m/s-ǵa deıin kúsheıedi, Túrkistan oblysynda shańdy daýyl kútiledi.
Atyraý, kúndiz Mańǵystaý oblystarynyń keı jerlerinde naızaǵaı bolady. Qyzylorda, Túrkistan, keı jerlerde Jambyl, Almaty, Aqtóbe, Atyraý, Mańǵystaý, Qostanaı, Qaraǵandy oblystarynda joǵary órt qaýpi saqtalady.
