Búgin respýblıkanyń batysy men ońtústiginde - jaýyn-shashyn, tuman men kóktaıǵaq boljanýda - Qazgıdromet
ANA. 15 jeltoqsan. QazAqparat - «Qazgıdromettiń» boljaýynsha búgin, 15 jeltoqsan kúni Qazaqstannyń basym aýmaǵynyń aýa raıyna Sibir antıtsıklony sýyq taramdarynyń yqpaly saqtalady.
Respýblıkanyń tek batysy men ońtústiginde atmosferalyq aǵymdardyń yǵysýyna baılanysty jaýyn-shashyn, tuman jáne kóktaıǵaq bolady. Máselen, Mańǵystaý oblysynyń keı jerlerinde - tuman, Aqtóbe oblysynda - tuman, kóktaıǵaq kútilýde.
Ońtústik Qazaqstan jáne Qaraǵandy oblystarynda keı aýmaqtarda jeldiń ekpini 15-20 m/s-qa deıin kúsheıýi yqtımal.
Shyǵys Qazaqstan oblysynda - jaıaý burqasyn soǵyp, 15-20 m/s jyldamdyqta jel turady.
Almaty oblysynyń Jalańashkól aýmaǵynda - ońtústik-shyǵystan sekýndyna 20-25 metr ekpinmen soqqan jeldiń kúshi keı ýaqyttary sekýndyna 30-metrge deıin jetedi.
