Búgin respýblıkanyń basym óńirinde jańbyr jaýyp, kúshti jel turady - Qazgıdromet
ASTANA. 14 mamyr. QazAqparat - «Qazgıdromettiń» boljaýynsha, búgin Qazaqstannyń basym aýmaǵynda jaýyn-shashyn bolyp, kúshti jel turady. Respýblıkanyń soltústik óńirlerinde túnde úsik júredi dep kútilýde.
Qyzylorda, kúndiz Ońtústik Qazaqstan oblystarynyń keı jerlerinde kúshti jel soǵyp, shań boraıdy.
Mańǵystaý, Atyraý, Aqtóbe, Pavlodar, Qaraǵandy jáne Shyǵys Qazaqstan oblystarynda jel kóterilip, onyń ekpini sekýndyna 15-22 metrge jetedi.
Soltústik Qazaqstan oblysynyń keı jerlerinde tuman túsedi, kúndiz 15-20 m/s jyldamdyqta jel turady, al túnde -3 gradýsqa deıin sýyq bolady.
Aqmola men Qostanaı oblystarynda túnde kún sýytyp, aýanyń temperatýrasy 2 gradýsqa deıin tómendeıdi.
