Búgin respýblıkanyń basym bóliginde jańbyr jaýady - Qazgıdromet
NUR-SULTAN. QazAqparat – Qazgıdromet 15 sáýirge arnalǵan aýa raıy boljamyn jarııalady, dep habarlaıdy QazAqparat.
Atmosferalyq aýa aǵyndardyń ótýine baılanysty respýblıkanyń basym bóliginde jańbyr bolady. Sondaı-aq, ońtústik-batystyń keı jerlerinde qatty jańbyr, soltústikte jańbyr men qar kúıindegi jaýyn-shashyn jaýady. Tek respýblıkanyń batysy men ońtústik-batysynda jaýyn-shashynsyz aýa raıy kútiledi.
Keı jerlerde tuman, jeldiń kúsheıýi, batysta shańdy daýyl soǵady.
Soltústik Qazaqstan, Pavlodar oblystarynyń keı jerlerinde tuman kútiledi, túnde jel 15-20 m/s kúsheıedi, kúndiz basym bóliginde 15-20, keı jerlerinde ekpini 25 m/s kúsheıedi.
Aqmola, Jambyl, Qaraǵandy, Shyǵys Qazaqstan oblystarynyń keı jerlerinde tuman kútiledi, jel 15-20 m/s jyldamdyqpen soǵady.
Túrkistan, Qyzylorda, túnde Almaty oblystarynyń keı jerlerinde tuman kútiledi. Qostanaı oblysynyń keı jerlerinde jel 15-20 m/s kúsheıedi. Kúndiz Batys Qazaqstan, Mańǵystaý, Atyraý oblystarynda shańdy daýyl kútiledi, jel 17-22 m/s kúsheıedi.
Kúndiz Aqtóbe oblysynyń keı jerlerinde jel 15 m/s kúsheıedi.
