Búgin respýblıkanyń basym bóliginde kóktaıǵaq bolyp, jel kúsheıedi
ASTANA. QazAqparat - 18 qarasha kúni Qazaqstannyń terrıtorııasynda atmosferalyq fronttardyń ótýine baılanysty keı jerlerinde jaýyn-shashyn saqtalady, kóbinese qar jaýady, burqasyn, tuman, kóktaıǵaq bolyp, jel kúsheıedi.
Bul týraly Qazgıdromet habarlady.
Qyzylorda, Batys Qazaqstan, túnde jáne tańerteń Atyraý, Qaraǵandy oblystarynyń keı jerlerinde tuman, kóktaıǵaq kútiledi, kúndiz Qaraǵandy oblysynyń jekelegen aýdandarynda jel 15-20 m/s kúsheıedi. Almaty, Shyǵys Qazaqstan oblystarynyń keı jerlerinde jel 15-20 m/s kúsheıedi. Aqtóbe oblysynyń keı jerlerinde jaıaý burqasyn bolady. Mańǵystaý oblysynyń keı jerlerinde kóktaıǵaq kútiledi. Túnde jáne tańerteń Aqmola oblysynyń keı jerlerinde tuman bolyp, kúndiz jel 15-18 m/s kúsheıedi. Qostanaı oblysynyń keı jerlerinde tuman, jaıaý burqasyn, jeldiń 15-20 m/s kúsheııýi kútiledi. Jambyl oblysynyń keı jerlerinde tuman kútiledi, keı jerlerinde jel 15-20 m/s kúsheıip, kúndiz ekpini 23 m/s deıin bolady.
