Búgin respýblıkanyń basym bóliginde aýa raıy qubylmaly bolady
ASTANA. QazAqparat - Búgin, 14 shilde kúni Qazaqstannyń kóp bóliginde aýa raıy qubylmaly bolady. Keı jerlerde jańbyr jaýady. Keı aımaqtarda naızaǵaı soǵyp, jel kúsheıip, burshaq jaýýy yqtımal, dep jazady QR TJM «Qazgıdrometke» silteme jasap.
Respýblıkanyń ońtústigi men batysynda kún ashyq, keı jerlerde qumdy daýyl bolady dep kútilýde. Aqmola oblysynyń jel jyldamdyǵy 15-20, keı aýmaǵynda tipti 25 m/s kúsheıip, naızaǵaı oınaıdy. Burshaq jaýyp, túnde jáne tańerteń tuman bolýy múmkin. Soltústik Qazaqstan, Pavlodar, Qaraǵandy oblystarynyń keı jerlerinde jel 15-20 m/s kúsheıip, naızaǵaı oınap, burshaq jaýýy yqtımal. Qostanaı oblysynda keı aýmaqta jel 15-20 m/s jetedi, naızaǵaı, tuman bolýy múmkin. Almaty, Shyǵys Qazaqstan, kúndiz Jambyl oblysynda jyldamdyǵy 15-20 m/s bolatyn jel soǵady. Qyzylorda, Ońtústik Qazaqstan, Mańǵystaý, Aqtóbe, túnde Atyraý, kúndiz Batys Qazaqstan oblystarynda - jel jyldamdyǵy 15-20 m/s qurap, Qyzylorda oblysynda qumdy daýyl bolýy múmkin.
