Búgin respýblıkanyń basym aımaǵynda qatty jel turyp, tuman túsedi - «Qazgıdromet»
ASTANA. Qańtardyń 13-i. QazAqparat - Búgin, qańtardyń 13-i kúni Qazaqstannyń basym aımaǵynda qatty jel turady, tuman túsip, kóktaıǵaq bolady dep boljanýda,
dep habarlaıdy QazAqparat.
«Qazgıdromettiń» málimetine sáıkes, sársenbi kúni resýblıkanyń birqatar oblysy atmosferalyq aǵymdar bóliginiń yqpalynda bolady. Máselen, Almaty oblysynyń Jalańashkól aýmaǵynda ońtústik-shyǵystan soqqan jeldiń ekpini 20-25, keı ýaqyttary 30 m/s-qa deıin kúsheıedi dep boljanýda.
Al Jambyl jáne Ońtústik Qazaqstan oblystarynda - keı jerlerde tuman túsip, jeldiń ekpini 15-20 m/s-qa deıin jetedi. Qyzylorda oblysynyń keı aýmaqtarynda - tuman, kóktaıǵaq bolady, jeldiń qarqyny sekýndyna 15-20 metrge deıin jetýi yqtımal.
Túnde Mańǵystaý oblysynyń keı jerlerinde tuman túsip, kóktaıǵaq bolady dep kútilýde. Qostanaı, Soltústik Qazaqstan, kúndiz Aqmola oblystarynda - keı jerlerde burqasyndatyp, jeldiń jyldamdyǵy sekýndyna 15-20 metrge deıin jetedi.
Aqtóbe, Pavlodar, kúndiz Qaraǵandy oblystarynyń keı aýmaqtarynda jeldiń ekpini 15-20 m/s-qa deıin kúsheıýi múmkin.
Al Shyǵys Qazaqstan oblysynyń Jarma aýdanynda jeldiń qarqyny sekýndyna 20-25 metrge deıin jetpek.
