Búgin respýblıkanyń 4 oblysynda jaýyn-shashyn bolyp, naızaǵaı oınaıdy - Qazgıdromet
ASTANA. QazAqparat - Soltústikte, shyǵysta, ortalyqta keı jerlerine aýa raıy jaýyn-shashynsyz bolady dep kútilýde. Qazaqstannyń qalǵan aýmaqtarynda atmosferalyq aǵyndardyń ótýine baılanysty ótkinshi jaýyn jaýyp, kún kúrkirep, jel kúsheıedi.
Bul týraly Qazgıdromet habarlady.
Aqmola, Jambyl, Qostanaı, kúndiz Batys Qazaqstan oblystarynyń keıbir jerlerinde kún kúrkirep, jeldiń kúshi 15-20 m/s-qa jetedi. Ońtústik Qazaqstan, Almaty, Atyraý oblystarynyń keı óńirlerinde kúndiz naızaǵaı oınaıdy dep kútilýde. Soltústik Qazaqstan oblysynyń keıbir óńirlerinde tuman túsip, jeldiń kúshi 10-20 m/s-qa jetedi. Qaraǵandy, Shyǵys Qazaqstan oblystarynyń keı aýdandarynda jel 15-20 m/s-qa kúsheımek.
Qyzylorda, Qaraǵandy oblystarynyń keı jerlerinde tótenshe joǵary órt qaýpi saqtalady.
Taıaý táýlikte Aqmola, Soltústik Qazaqstan oblystary sheginde Esil ózeninde sý deńgeıiniń aýytqýy kútiledi. SQO sheginde sý basý qaýpi saqtalady. Qorǵaljyn aýdanynyń sheginde Nura ózeninde sý deńgeıi odan ári kóterilip, sý jaıylyp, basýy múmkin. Oral ózeninde sý birtindep kóterilýi kútiledi. Respýblıkanyń ońtústik, ońtústik-shyǵys, shyǵys ózenderinde sý deńgeıiniń aýytqýy baıqalady.
