Búgin Reseıdiń eýropalyq bóliginiń turǵyndary kúnniń jartylaı tutylýyn kóre alady
ASTANA. 4 qańtar. QazAqparat - Búgin Reseıdiń eýropalyq bóliginiń turǵyndary kúnniń jartylaı tutylýyn kóre alady, dep habarlaıdy RBK agenttigi.
Sonyń ishinde Reseıdiń soltústik-batysynda - Vyborgta, Petrozavodskide, Peterborda jáne Pskovta kúnniń edáýir bóligin - 80 paıyzǵa jýyǵyn Aı tumshalaýyn baqylaýǵa bolady. Kún tutylýy máskeý ýaqytymen 10;40-ta bastalyp, saǵat 12:00-de barynsha mol tutylýy kórinedi, tabıǵattyń osy sırek kórinisi máskeý ýaqytymen 13:20-da aıaqtalady.
Kúnniń ishinara tutylýyn Eýropanyń, Soltústik Afrıkanyń, Taıaý Shyǵystyń turǵyndary da baıqaıdy. 2011 jyly Jer turǵyndary barlyǵy 4 ret kún tutylýyn baqylaıdy.
