Búgin Reseıde Saıan-Shýsha GES-degi tehnogendik apattyń qurbandaryn eske aldy
ASTANA. Tamyzdyń 17-si. QazAqparat - Búgin Reseıdegi eń iri sýelektrstansy - Saıan-Shýsha GES-indegi qaıǵyly apatqa jyl tolyp otyr. Reseıde tamyzdyń 17-si kóp adamnyń ómirin qıyp ketken osy apattyń qurbandaryn eske alý kúni, dep habarlaıdy «Lenta rý».
Apat kezinde GES-tiń mashına zaly jartylaı qırady, 75 adam mert boldy. Stansynyń barlyq 10 agregaty da jumysyn toqtatty. Oryn alǵan apat faktisi boıynsha, eńbek qorǵaý ereje saqtalmady degen bap boıynsha qylmystyq is qozǵaldy. Apattyń sebebin zertteý áli kúnge júrgizilip keledi, 600-den astam adamnan jaýap alyndy, 200 saraptama jumystary júrgizildi, solaı bola tura eshkimge aıyp taǵylǵan joq. Bul jóninde búgin Tergeý komıtetiniń resmı ókili Vladımır Markın aıtty. Onyń aıtýyna qaraǵanda, Saıan-Shýsha GES-indegi apatty tekserý aldaǵy jeltoqsan aıyna deıin uzartyldy.
