Búgin Reseıde prezıdent saılaýy ótedi
ASTANA. 4 naýryz. QazAqparat - Búgin Reseıde eldegi eń basty saıası naýqan - prezıdent saılaýy ótedi. Saılaý aldyndaǵy kún - tynyshtyq kúni retinde bolyp ótti. Bul kúni úmitkerlerdiń úgit-nasıhat júrgizýine tyıym salynǵan.
Reseıdegi saılaýǵa bes úmitker túskeli otyr: olar - «Edınaıa Rossııa» partııasynyń atynan qazirgi premer-mınıstr Vladımır Pýtın, ózin-ózi usynǵan úmitker «ONEKSIM Toby» prezıdenti Mıhaıl Prohorov, Reseı Kommýnıstik partııasynyń atynan Memlekettik dýmanyń depýtaty Gennadıı Zıýganov, «Spravedlıvaıa Rossııa» partııasynyń atynan Memlekettik dýmanyń depýtaty Sergeı Mıronov, LDPR partııasynyń atynan Memlekettik dýmanyń depýtaty Vladımır Jırınovskıı.
Memleket basshysy osy joly alǵash ret alty jylǵa saılanbaq. Saılaý ýchaskelerinde baıqaýshylardyń rekordtyq kórsetkishi bolady dep kútilýde, olar daýys berýdiń adal ótýin qadaǵalaıtyn bolady. Al saılaý úderisi daýys berý oryndarynda ornatylǵan veb-kameralarmen arqyly Internet taratylady.
Saılaý qarsańynda Prezıdent Dmıtrıı Medvedev el azamattaryna arnap úndeý joldady. Onda memleket basshysy Reseı halqyn daýys berýge uıymshyldyqpen qatysýǵa shaqyryp, bul ár azamattyń boryshy ekenin atap ótti.
