Búgin - Radıoáýesqoılardyń dúnıejúzilik kúni
ASTANA. 18 sáýir. QazAqparat - Búgin álemde Radıoáýesqoılardyń dúnıejúzilik kúni atap ótilýde.
1925 jyldyń 18 sáýiri kúni Parıjde Radıoáýesqoılardyń halyqaralyq odaǵy quryldy. Osy oqıǵanyń arqasynda radıoáýesqoılarda ózderiniń jetistikterin jyl saıyn atap ótýge sebep paıda boldy.
Keıbir mamandardyń baǵalaýy boıynsha, 21 ǵasyr naǵyz radıoáýesqoılardyń ǵasyry bolady, al bul ermekti unatatyn adamdardyń sany búgingi úsh mıllıonynshy mejeden asyp jyǵylady. Sondaı-aq, kúndelikti ómirimizde paıdalanyp júrgen radıotehnologııalardyń deni aldymen radıoáýesqoılarmen zerttelgen dep esepteledi. Bul birinshi kezekte uıaly telefondarǵa qatysty.
