Búgin - Radıo kúni
ASTANA. 7 mamyr. QazAqparat - 7 mamyr ǵylym men tehnıkanyń álemdik tarıhyna radıonyń týǵan kúni retinde endi.
Dál osy kúni 1895 jyly Orys fızıka-hımııalyq qoǵamynyń otyrysynda reseılik fızık Aleksandr Popov baıandama jasap, ózi qurastyrǵan álemdegi tuńǵysh radıoqabyldaǵyshty tanystyrdy.
1945 jyly 7 mamyrda KSRO-da radıonyń oılap tabylǵanyna 50 jyl tolýy keńinen atap ótildi. Osyǵan baılanysty el úkimeti bul datany jyl saıynǵy Radıo kúni dep belgileýge sheshim shyǵardy. Búginde bul mereke postkeńestik elderde ǵana emes, sonymen qatar dúnıejúziniń basqa memleketterinde atalyp ótedi.
