Búgin - Radıatsııalyq apat qurbandaryn eske alý kúni

Ýkraınanyń atom energetıkasynyń tuńǵyshy atanǵan Chernobyl atom elektr stansysy 1986 jyly sáýirdiń 26-synda adamzat tarıhyndaǵy eń úlken tehnogendik apattyń sımvolyna aınaldy. Stansyda oryn alǵan apattyń saldarynan 30 shaqyrymdaı radıýstyń radıaktıvti ýlanýǵa ushyrady. Ýkraınadaǵy radıatsııaǵa ýlanǵan aýmaqtyń jalpy aýdany 12 oblysty qamtydy, 50 myń sharshy shaqyrymdy qurady, al reseılik óńirdiń 19 aýmaǵynda 60 myń sharshy metr aýdan ýlandy, Belarýs elinde de el halqynyń 20 paıyzy turatyn 46,5 myń sharshy metr aýmaq zardapqa ushyrady.

2003 jyldyń qyrkúıek aıynda TMD sammıtinde Ýkraınanyń sol kezdegi prezıdenti Leonıd Kýchma Dostastyq elderine sáýirdiń 26-syn - Radıatsııalyq apat qurbandaryn eske alý kúni dep jarııalaýdy usyndy. TMD Memleket basshylarynyń keńesi bul usynysty biraýyzdan qabyldady.

Al 2005 jylǵy tamyzdyń 26-ynda Qazan qalasynda ótken TMD-ǵa múshe memleket basshylarynyń keńesinde Chernobyl atom elektr stansysyndaǵy apattyń 20 jyldyǵyna baılanysty jáne halyqaralyq qoǵamdastyqtyń nazaryn radıatsııalyq qaýipsizdik máselesine aýdarý maqsatynda «TMD-ǵa qatysýshy memleketterdiń halyqtary men álemdik qaýymdastyqqa úndeý» qabyldandy.