Búgin - Pýshkın kúni
ASTANA. 6 maýsym. QazAqparat - Búgin - Pýshkın kúni. Bul ataýly kún Reseı Federatsııasy Prezıdentiniń 1997 jylǵy 27 mamyrdaǵy Jarlyǵymen uly aqynnyń týylǵan kúni saltanatyna oraı jyl saıyn atap ótiledi
Aleksandr Pýshkın shyǵarmashylyǵyn joǵary baǵalaıtyn qazaqstandyqtar da jer-jerde aqyn eskertkishiniń aldyna baryp, rýhyna taǵzym etip, óleńder oqıdy. Aleksandr Pýshkın 1833 jyly Orynbor jáne Oral qalalaryna kelgen. «Pýgachev tarıhyna» qatysty maǵlumattar jınap, «Qozy Kórpesh - Baıan sulý» eposyn jazyp alǵan. Onyń shyǵarmalary 19-shy ǵasyrdyń 2-shi jartysynda Abaıdyń aýdarýymen elimizde keńinen taraldy. Abaı «Evgenıı Onegınnen» birneshe úzindi-nusqalardy tańdap alyp, «Tatıananyń haty», «Lenskııdiń sózi» atty óleńder shyǵardy. Aqyn Іlııas Jansúgirov «Evgenıı Onegın» romanyn birinshi bolyp tolyq aýdardy
