Búgin Polsha Prezıdentiniń ınaýgýratsııasy bolady
ASTANA. Tamyzdyń 6-sy. QazAqparat - Polshanyń jańadan saılanǵan Prezıdenti Bronıslav Komorovskıı búgin, juma kúni ant qabyldap, memleket basshysy mindetine resmı kirisedi.
«Maıak» radıosynyń aqparaty boıynsha, ınaýgýratsııa rásimi máskeý ýaqyty boıynsha saǵat 12.00-de Polsha Seıminiń májilister zalynda ótedi.
Tamyzdyń 3-inde Polshanyń Joǵarǵy soty merziminen buryn ótken prezıdenttik saılaýdyń zańdylyǵyn tanydy. Sot sondaı-aq saılaýǵa qatysty 16 aryz-shaǵymdy negizdi dep tanydy, biraq ta, sýdıalardyń pikirinshe, ol kemshilikter daýys berýdiń qorytyndysyna anaý aıtqandaı áserin tıgize almaıdy, sebebi eki úmitkerdiń arasyndaǵy aıyrmashylyq 1 mıllıonnan astam daýysty quraǵan.
