Búgin pavlodarlyq fýtbolshylar sofııalyq qarsylastarymen oınaıdy
ALMATY. 11 shilde. QazAqparat - Búgin Pavlodarda «Ertis» fýtbol komandasy Bolgarııanyń Sofııa qalasynyń «Levskı» komandasymen Eýropa lıgasynyń dárejelik raýndyndaǵy qarymta kezdesýin ótkizedi.
Talǵat Basýfınov jattyqtyratyn pavlodarlyqtar buǵan deıin, 4 shilde kúni syrt alańdaǵy alǵashqy kezdesýde 0:0 esebimen tarasqan bolatyn. Jalpy bul eki komanda da ótken maýsymda óz elderiniń chempıonatynda kúmis júldeger atanǵan bolatyn.
1914 jyly qurylǵan «Levskı» óz tarıhynda Bolgarııa chempıonatynda 26 ret top jaryp, 26 ret el kýbogyn ıelengen. Sondaı-aq 3 ret sýperkýbogty jeńip aldy, 2 ret ÝEFA kýbogynyń shırek fırnalısi bolyp, 3 márte ÝEFA kýbogy ıegerleri dodasynyń shırek fınalynda óner kórsetken.
Nıkolo Mıtko jattyqtyratyn sofııalyqtar bul maýsymda da el chempıonatynyń týrnır kestesinde 16 komandanyń arasynda 2-shi orynda kele jatyr. 72 upaımen kósh bastap kele jatqan «Lýdogorets» komandasynan olardyń 1 upaıy ǵana kem. Al úzdik úshtikti túıindep turǵan «TsSKA»-dan 8 upaıy artyq.
