Búgin Pavlodarda tirkelgen naýqastyń elordada emdelip jatqany belgili boldy
NUR-SULTAN. QazAqparat - Búgin Pavlodar oblysynda bir adamnyń koronavırýs juqtyrǵany jarııalanǵan edi. Shyn máninde bul naýqas - Nur-Sultan qalasynyń turǵyny, dep habarlaıdy QazAqparat.
«Resmı túrde bul patsıent Nur-Sultan qalasynda emdelip jatyr. Biraq koronavırýs ınfektsııasyn anyqtaý boıynsha kúndelikti júrgizilgen zertteýlerdiń kóp bolýyna baılanysty, osy naýqastyń taldamasy Pavlodar oblysyna jiberildi» delingen DSM málimetinde.
Osyǵan baılanysty qazirgi ýaqytta Pavlodar oblysynda koronavırýs juqtyrǵan 1 jaǵdaı tirkeldi.
Aıta keteıik, osyǵan deıin Qazaqstanda koronavırýs juqtyrǵandar sany 336-ǵa jetkenin habarlaǵan bolatynbyz.
Osy saǵatta Nur-Sultan qalasy boıynsha - 175 adam, Almaty qalasynda – 82 adam, Qaraǵandy oblysynda - 13 adam, Aqmola oblysynda - 10 adam, Atyraý oblysy - 13 adam, Jambyl oblysynda -3 adam, Shymkent qalasynda - 2 adam, Shyǵys Qazaqstan oblysynda - 2 adam, Almaty oblysynda - 8 adam, Aqtóbe oblysynda - 3 adam, Soltústik Qazaqstan oblysynda - 2 adam, Pavlodar oblysynda - 2 adam, Mańǵystaý oblysynda - 1 adam, Qyzylorda oblysynda - 18 adam, Batys Qazaqstan oblysynda - 2 adam, jalpy 336 naýqas bar.
