Búgin Pavlodar jáne Qaraǵandy oblystarynda úsik júredi - Qazgıdromet
ASTANA. QazAqparat - Atmosferalyq fronttardyń ótýine baılanysty respýblıkanyń soltústik jáne ońtústik-shyǵys aýdandarynyń keı jerlerinde jańbyr jaýyp, naızaǵaı bolady, jel kúsheıedi, dep habarlaıdy «Qazgıdromet» RMK.
Túnde jáne tańerteń respýblıkanyń soltústiginiń, ortalyǵynyń jáne shyǵysynyń keı jerlerinde tuman kútiledi. Qazaqstannyń qalǵan bóliginde jaýyn-shashynsyz aýa raıy bolady. Qostanaı, túnde Jambyl oblystarynyń keı jerlerinde jel 15-20 m/s kúsheıedi. Túnde jáne tańerteń Aqmola oblysynyń keı jerlerinde tuman kútilip, kúndiz keı jerlerde jel 15-20 m/s kúsheıedi. Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde túnde jáne tańerteń tuman kútiledi. Pavlodar, Qaraǵandy oblystarynyń keı jerleriniń topyraq betinde 3 gradýs úsik kútiledi. Túnde Shyǵys Qazaqstan oblysynyń keı jerlerinde 0-2 gradýs úsik bolady. Qyzylorda oblysynda, Aqtóbe, Atyraý, Batys Qazaqstan, Ońtústik Qazaqstan, Jambyl, Qaraǵandy, Qostanaı oblystarynyń keı jerlerinde órt qaýpi saqtalady.
