Búgin Pavlodar men Shyǵys Qazaqstan oblystarynda daýyl turyp, 15-20 m/s jyldamdyqpen jel soǵýy yqtımal - TJ
ASTANA. Jeltoqsannyń 2-si. QazAqparat - Búgin, jeltoqsannyń 2-si kúni Qazaqstannyń keıbir oblystarynda daýyl turyp, sekýndyna 28-ge metrge deıin jel soǵýy múmkin,
dep habarlaıdy QazAqparat QR TJM-ǵa silteme jasap.
Mınıstrliktiń habarlaýynsha, búgin Qazaqstannyń birqatar aımaǵy atmosferalyq aǵym aımaǵynda bolady. Respýblıkanyń soltústik, soltústik-shyǵys jáne shyǵysyna Batys Sibirden keletin sýyq aýa taraıdy.
Almaty, Jambyl, Ońtústik Qazaqstan, Qyzylorda, Qaraǵandy, Aqtóbe jáne Qostanaı oblystarynda keı jerlerde tuman, kóktaıǵaq bolady. Almaty oblysynyń Jalańashkól aýdanynda sekýndyna 18-23 metr jyldamdyqpen soqqan jel, keı ýaqyttary 28 m/s-qa deıin jetedi dep kútilýde.
Mańǵystaý, Atyraý, Batys Qazaqstan jáne Aqmola oblystarynda keı jerlerde tuman saqtalady.
Pavlodar men Shyǵys Qazaqstan oblystarynyń keı aýmaqtarynda daýyl turyp, sekýndyna 15-20 metr jyldamdyqpen jel soǵady.
Osy táýlikke jasalǵan gıdrologııalyq boljamdarǵa sáıkes, Qazaqstannyń ózenderi men kólderindegi sýly-muzdy rejimniń aıtarlyqtaı ózgerisi bolmaıdy. Syrdarııa ózeninde muzdyń qatýy kútilmeıdi.
