Búgin Parlament Májilisinde Naýryz meıramy toılandy
ASTANA. 18 naýryz. QazAqparat /Aıdyn Báımen/ - Búgin Parlament Májilisinde Naýryz meıramy toılandy. Іzgi tilekter aıtylyp, án shyrqaldy. Zań shyǵarýshy organnyń atqarǵan qyzmeti jáne aldaǵy josparlary sóz boldy.
Osy saltanatty sharaǵa qatysqan QR Parlamenti Májilisiniń depýtaty Serik Ospanov Naýryz meıramy kúnine oraı halyqqa arnaǵan tilegin QazAqparat tilshisine aıtyp berdi.
Depýtat ózi týyp-ósken Mańǵystaý óńiri Naýryzdy erte qarsy alatynyn jetkizdi.
- Elimizdiń batys aımaǵynda 14 naýryzdan bastap halyqta aıryqsha kóńildi mereke kúnderi bastalady. Ár adam birin-biri Jańa jylmen quttyqtaıdy. Jasy kishileri úlkenderge baryp, sálem berip kórisedi. Jańa kelgen jylymen quttyqtaıdy. Bul erteden kele jatqan dástúr. Muny oblystyq, qalalyq, aýdandyq ákimshilikter de qoldap otyr. Resmı túrde Naýryz meıramy osy aıdyń 22-si ekeni jáne onyń toılanýy 21-i men 23-i kúnderi dep belgilengeni anyq.
Budan ári depýtat Serik Jámekuly óziniń tilegin aıtty:
- Jańa jylymyz qutty jyl bolsyn! Osy bastalǵan jylda jaqsy jańalyqtar kóp bolsyn! Jer sharyndaǵy elderge nazar salsaq, ár túrli oqıǵalar bolyp jatyr. Qarjy daǵdarysy da talaı elderdiń eńsesin túsirip tur. Sondaı ár túrli qıyndyqtardan aman bolaıyq. Ár otbasynda baqyt, qýanysh, bereke bolsyn! Elimiz aman, aspanymyz ashyq bolsyn!- dedi depýtat Serik Ospanov.
