Búgin - Parkınson aýrýyna qarsy kúrestiń dúnıejúzilik kúni
ASTANA. 11 sáýir. QazAqparat - Búgin búkil álemde Dúnıejúzilik densaýlyq saqtaý uıymynyń bastamasymen Parkınson aýrýyna qarsy kúrestiń dúnıejúzilik kúni atap ótilýde.
Parkınson syrqaty - ortalyq nerv júıesiniń sozylmaly údemeli aýrýy, ol týraly alǵash ret 1817 jyly aǵylshyn dárigeri Djeıms Parkınson jazdy. Syrqattyń negizgi belgileri: qoldardyń dirildeýi, qozǵalystyń baıaýlyǵy, aýyrsyný, tirek-qımyl dınamıkasynyń jáne psıhıkanyń buzylýy. Adam esin anyq bilgenimen syrqat ony tolyq múgedektikke alyp keledi. Aýrýdyń paıda bolý sebebi osy kúnge deıin belgisiz.
Ádette Parkınson syrqaty 40 jastan keıin damı bastaıdy, degenmen, bul aýrýǵa budan erterek jasta da shaldyǵý jaǵdaılary tirkelgen. Syrqattyń órbýin zertteý baǵytynda qol jetkizilgen ǵylymı jetistikterge qaramastan, medıtsınada Parkınson aýrýyn nátıjeli emdeýdiń ádisteri áli kúnge deıin joq.
