Búgin Parıjde «Rolan Garros» týrnıri bastalady
NUR-SULTAN. QazAqparat - Búgin Parıjde Frantsııa ashyq chempıonaty - «Rolan Garros» týrnıri bastalady, dep habarlaıdy QazAqparat tilshisi.
Jyl saıyn tennısti kóretin tórtkúl dúnıeniń nazary aýatyn «Úlken dýlyǵa» týrnıri tórteý bolsa, «Rolan Garros» - sonyń biri.
Bul dúbirli dodaǵa jekeleı synda Qazaqstannan bes tennısshi qatysady.
Keshe Nıýrnberg týrnıriniń jeńimpazy atanǵan Qazaqstannyń birinshi, álemniń 39-raketkasy ıÝlııa Pýtıntseva alǵashqy aınalymda dúnıejúzilik reıtıngte 64-orynda turǵan shvetsııalyq Rebekka Petersonmen kezdesedi.
Ótken jyly «Rolan Garrostyń» shırek fınalyna deıin jetken ári Nıýrnbergtegi jeńisinen keıin jigerlengen ıÝ.Pýtıntsevanyń bıyl da baryn salary anyq.
Jerebe álemniń 90-raketkasy Zarına Dııasqa joldas boldy dep aıtýǵa bolady, onyń qarsylasy - osy týrnırge lakı lýzer retinde arnaıy shaqyrylǵan kort ıesi, reıtıngte 288-satyda turǵan Odrı Albı.
Jarysqa irikteý saıystarynyń jeńimpazy retinde qosylǵan, reıtıngte 135-oryndaǵy Elena Rybakına álemniń 43-raketkasy, chehııalyq Katerjına Sınıakovamen kúsh synasady.
Erler arasynda Qazaqstannyń birinshi, álemniń 48-raketkasy Mıhaıl Kýkýshkın slovakııalyq, reıtıngte 54-satydaǵy Martın Klıjanmen sheberlik baıqasady.
Taǵy bir qazaqstandyq, álemniń 90-raketkasy, 21 jasar Aleksandr Býblıktiń ekinshi aınalymǵa shyǵýyna tolyq múmkindigi bar. Ol týrnırge irikteý saıystarynan keıin qosylǵan, reıtıngte 177-oryndaǵy germanııalyq Rýdolf Mollekerdi synap kórmek.
Eske sala keteıik, budan buryn ıÝlııa Pýtıntsevanyń Nıýrnberg týrnıriniń jeńimpazy atanǵanyn, taǵy bir qazaqstandyq Elena Rybakınanyń «Rolan Garrostyń» negizgi týrnırine joldama alǵanyn jazǵan bolatynbyz.
Al Galına Voskoboeva juptyq synda Strasbýrg týrnıriniń fınalyna shyǵa almady.
