Búgin Parıjde bastalatyn «Rolan Garros» týrnırine qazaqstandyq bes tennısshi qatysady
ASTANA. QazAqparat - Búgin, 24 mamyr kúni Parıj qalasynda tennısten «Rolan Garros» týrnıri bastalady.
Chempıonat.kom saıtynan alynǵan málimetke qaraǵanda, atalmysh jarys «úlken dýlyǵa» retinde kúlli álemge málim Ýımbldon men AQSh chempıonatynan keıin, 1891 jyly uıymdastyrylǵan osyndaı joǵary deńgeıdegi úshinshi týrnır eken. Munda aldymen tek erler ǵana kúsh synasqan, 1897 jyldan áıelder de kortqa shyǵa bastaǵan. Sodan keıin birinshi jáne ekinshi dúnıejúzilik soǵysqa baılanysty birneshe jylǵa úzilip qalǵany bolmasa, turaqty uıymdastyrylyp keledi.
Bıylǵy jyldyń eń basty jarystarynyń biri sanalatyn «Rollan Garros» týrnırine Qazaqstannan bes birdeı tennısshi qatysady. Týra eki aptaǵa sozylatyn jarystyń alǵashqy kúni Sıýzan Lenglen kortynda tórtinshi kezekpen qazaqstandyq ıAroslava Shvedova álemniń jetinshi raketkasy, serbııalyq Ana Ivanovıchpen sheberlik baıqasady.
Eske sala keteıik, Qazaqstannyń birinshi, álemniń 32-inshi raketkasy Zarına Dııastyń birinshi qarsylasy - germanııalyq, dúnıejúzilik reıtıngte 142-inshi satyda turǵan Dına Pfıtsenmaıer. Al ıÝlııa Pýtıntseva (105-inshi orynda) taǵy bir serbııalyq Aleksandra Krýnıchpen (85) kortqa shyǵady.
Erler týrnırinde Mıhaıl Kýkýshkın (57) ızraıldyq Dýdı Selamen (89), irikteý saıystarynan negizgi týrnırge ótken Andreı Golýbev (137) ıspandyq, álemdik reıtıngte 19-ynshy oryndaǵy Tommı Robredomen kezdesedi.
«Rolan Garrostyń» ótken jylǵy jeńimpazdary - reseılik Marııa Sharapova men ıspandyq Rafael Nadal.
