Búgin Paragvaıda prezıdenttik saılaý ótedi
ASTANA. 21 sáýir. QazAqparat - Búgin Paragvaıda prezıdent saılaýymen bir mezgilde parlament depýtattary men gýbernatorlardy saılaý ótedi.
Bul týraly sheteldik buqaralyq aqparat quraldaryna silteme jasap RBK habarlady.
Jańa prezıdenttiń saılanýy Paragvaıǵa ótken jyly eldiń burynǵy prezıdenti Fernando Lýgoǵa senimsizdik tanytylýy saldarynan qurlyqtaǵy kórshilermen arada tosynnan úzilgen qarym-qatynasty qalpyna keltirýge septigin tıgizýi tıis. Lýgonyń laýazymynan ketýi Paragvaıdyń Ońtústikamerıkalyq ulttar odaǵyndaǵy músheliginiń jáne Ońtústik Amerıka elderi ortaq naryǵy týraly kelisimniń toqtaýyna sebep boldy.
Prezıdent laýazymyna Orasıo Kartes pen Efraın Alegre negizgi kandıdattar bolyp tirkelgen. Kásipker Kartes 2008 jylǵa deıin 60 jyl boıy bılik tizginin ustaǵan «Kolorado» partııasynyń ókili. Al zańger Alegre bolsa, qazirgi ýaqytta bılik basyndaǵy Lıberaldy partııanyń atynan kandıdat.
