Búgin - Ozon qabatyn qorǵaýdyń halyqaralyq kúni

Jyl saıyn atap ótiletin bul ataýly kún BUU Bas assambleıasynyń 1994 jylǵy №A/RES/49/114 arnaıy qararymen jarııalanǵan bolatyn. Bul kún Ozon qabatyn buzýshy zattar týraly Monreal hattamasyna qol qoıylǵan kúndi este qaldyrý úshin belgilengen.

Planetamyzdy kún radıatsııasynyń joıǵysh áserlerinen qorǵaıtyn Jer atmosferasyndaǵy stratosferalyq qabattyń tómendeı túskenine tuńǵysh ret ǵalymdar HH ǵasyrdyń 60-ynshy jyldarynyń sońynda kóńil aýdardy. 80-jyldary ǵalymdar jańalyq ashty: Antarktıda aýmaǵynda ozonnyń jalpy kólemi 2 ese azaıyp ketken. Naq sol kezde «ozon jyryǵy» ataýy paıda boldy. Ozonnyń juqarýyna hlor totyǵy áser etedi. Al bul - zavodtardyń, ónerkásiptik kásiporyndardyń aýaǵa jaıylatyn qoqystary. Ozon jyryqtarynyń aldyn alýǵa bizdiń kúshimiz jetpeıdi. Alaıda, ozondy eń bolmasa turmystyq deńgeıde saqtaýǵa adam kúshi jetedi-aq.