Búgin - Ozon qabatyn qorǵaýdyń halyqaralyq kúni

Ozon qabaty - Jerdi ýltrakúlgin sáýlelerden qorǵap turatyn qalqan. Adamzattyń sharýashylyq qyzmeti jer sharyndaǵy ekologııalyq jaǵdaıdyń ýshyǵýyna ákelip soqtyrýda. Adamzat ekologııalyq qaýiptiń aldyn-alýdyń mańyzyn túpkilikti túsinip, ony boldyrmaý úshin belsendi sharalar júrgizýi tıis. Qorshaǵan ortany qorǵaý maqsatynda júrgizilgen osyndaı sharalardyń biri 1987 jyldyń 16-shy qyrkúıeginde ozon qabatynyń joıylýy jóninde Halyqaralyq Monreal hattamasyna qol qoıyldy. 1994 jyly BUU-nyń Bas Assambleıasy 16 qyrkúıek kúnin Halyqaralyq ozon qabatyn qorǵaý kúni dep jarııalady. Sonyń qurmetine bul ataýly kún Birikken Ulttar Uıymy Bas Assambleıasynyń sheshimimen 1995 jyldan bastap atalyp ótiledi.