Búgin – Ózbekstanda prezıdenttik saılaý aldyndaǵy «tynyshtyq kúni»
TAShKENT. QazAqparat – Búgin Ózbekstanda saǵat 00:00-de prezıdenttik saılaý aldyndaǵy «tynyshtyq kúni» ornady, dep habarlaıdy QazAqparattyń menshikti tilshisi.
«Ózbekstan Respýblıkasy Prezıdentin saılaý týraly» Zańǵa saı, búginnen bastap daýys berý naýqanynyń sońyna deıin BAQ-ta, teleradıo habarlaryn taratý arnalarynda saılaýaldy úgit-nasıhat júrgizýge tyıym salynady, sonymen qatar saılaý aldy úgit-nasıhattyń basqa da túrlerin júrgizýge bolmaıdy.
Zańda saılaýǵa deıingi bes kún ishinde, sonymen qatar daýys berý kúni qoǵam pikiri saýalnamalarynyń nátıjelerin jáne saılaýǵa baılanysty ózge de zertteýlerdi jarııalaýǵa tyıym salatyn norma bekitilgen.
«Tynyshtyq kúni» saılaýshylarǵa úgit-nasıhatqa ermeı, óz betinshe tańdaý jasaýǵa múmkindik beredi.
Eske sala keteıik, Ózbekstanda prezıdenttik saılaý 24 kazan kúni ótedi. Saılaýǵa bes kandıdat qatysyp jatyr, olardyń qatarynda eldiń qazirgi prezıdenti Shavkat Mırzıeev ta bar.
MádıbekJánibekov
