Búgin ótetin sońǵy oıyndarda fýtboldan Qazaqstan birinshiliginiń jeńimpazy jáne kúmis, qola júldegerleri anyqtalady
ASTANA. 6 qarasha. QazAqparat - Búgin fýtboldan Qazaqstan birinshiliginiń sońǵy sheshýshi oıyndary ótedi. 2009/2010 jylǵy fýtbol maýsymyndaǵy el birinshiliginiń jeńimpazdary búgin anyqtalady.
týrnır kestesinde birinshi orynda turǵan, ózinen keıingi "Aqtóbeden" bir upaımen alda kele jatqan Qostanaıdyń «Tobyl» komandasyn óz alańynda «Atyraý» qabyldaıdy. Sondaı-aq týrnır kestesiniń ekinshi ornynda turǵan «Aqtóbe» komandasy Qaraǵandyǵa baryp, jergilikti «Shahtermen» oınaıdy. «Tobyl» men «Aqtóbeniń» qaısysy el jeńimpazy bolatyny osy oıyndarda belgili bolady.
Al elordadaǵy «Astana-Arena» stadıonynda da tartysty kezdesý ótedi dep kútilýde. Búgin astanalyq «Lokomotıv» Pavlodardyń «Ertisin» qabyldaıdy. Bul eki komanda qola júlde úshin talasady.
«Astana-Arena» stadıony elordalyqtar men qala qonaqtaryn el birinshiliginiń sońǵy oıynyn tegin tamashalaýǵa shaqyryp otyr. Qos komanda arasyndaǵy kezdesý saǵat 17-00-de bastalady.
