Búgin ótetin «Astana Winter Marathon» marafonyna kimder qatysady
ASTANA. QazAqparat - Búgin Astanadaǵy trıatlon saıabaǵynda alǵash ret qysqy marafon ótedi, dep habarlaıdy QazAqparat tilshisi.
Uıymdastyrý komıtetiniń málimeti boıynsha, alǵashynda 300 adam júgiredi dep josparlanǵan. Alaıda jarystyń ótýine bir kún qalǵanda tilek bildirýshilerdiń sany budan kóp bolǵany belgili bolǵan. Keshegi sanaq boıynsha búgingi «Astana Winter Marathon» marafonyna 400 adam qatyspaqshy.
Tirkelgenderdiń kóbisi 10 shaqyrymdy tańdaǵan (207 adam). Jartylaı marafonǵa 144 adam júgirse, tolyq marafonǵa 49 adam baq synamaq.
Jarys aldynda qatysýshylardy shıratyp alýǵa arnalǵan jattyǵý bolady. júgirý kezinde marfonshylar ystyq tamaq jáne sýsynmen qamtamasyz etiledi.
Marafonǵa elimizdiń saıası elıtasynda júrgen Ádilbek Jaqsybekov, Bolat Jámishev, Baǵdat Mýsın jáne bıznesmen Aıdyn Rahymbaevtar qatysady.
Osy jarysty ótkizýge yqylas tanytqan «Marat#ON» júgirý klýbynyń qurmetti múshesi, ataqty qazaqstandyq ýltramarafonshy Marat Jylanbaev bolsa, negizgi qoldaýshy - QR Jeńil atletıka federatsııasy.
FOTO/obk.kz
