Búgin «Oskar» syılyǵynyń jeńimpazdary anyqtalady
ASTANA. QazAqparat - Búgin Álemdegi basty kıno oqıǵalarynyń biri «Oskar» syılyǵyn tapsyrý saltanaty ótedi. 86-shy saltanatty jıyndy 55 jastaǵy tanymal telejúrgizýshi men aktrısa Ellen Dedjeneres júrgizedi.
Ádette aqpan aıynyń sońǵy jeksenbisinde ótetin marapattaý saltanaty Sochıdegi qysqy Olımpıada oıyndarynyń ótýine baılanysty naýryzdyń alǵashqy jeksenbisine shegerildi.
«Oskar» 2014 kınojúldesinde «Jyldyń úzdik fılmi» baıqaýynda kelesi fılmder baqtaryn synaıtyn bolady: «Quldyqtaǵy 12 jyl», «Amerıkalyq sergeldeń», «Kapıtan Fıllıps», «Gravıtatsııa», «Nebraska», «Fılomena», «Ýoll-strıt qasqyry», «Dallastyq satyp alýshylar klýby» jáne «Onyki» atty týyndy. Shetel tilindegi eń úzdik fılmder nomınatsııasyna Belgııanyń «Úzilgen úmittiń jalǵaýy», Italııanyń «Asqaq sulýlyq» atty týyndysy, danııalyq rejısser Tomas Vınterbergtiń «Ańshylyq» lentasy, sondaı-aq frantsýz tilinde túsirilgen «Joǵalǵan Avatar» Kambodjanyń derekti fılmi jáne palestınalyq Hanı Abý Assadtyń «Omar» atty kórkem týyndysy tóreshilerdiń nazaryna usynylmaq. Budan buryn Omar shyǵarmasy Kanndaǵy fılmder baıqaýynda tóreshilerdiń arnaıy júldesimen marapattaldy. Saltanatty sharany kınosúıer kórermen qaýym asyǵa kútýde. Álemniń eń bedeldi kınojúldesi sarapqa salynatyn keshti «Habar» arnasynan 3 naýryz 22.30-da kóre alasyzdar.
