Búgin Olımpıada chempıony Svetlana Podobedova 30 jasqa toldy
ASTANA. QazAqparat - 30 jyl buryn (1986) qazaqstandyq aýyr atlet, 2012 jylǵy Londondaǵy Jazǵy Olımpıada oıyndarynyń chempıony, eki márte álem chempıony (2009, 2010), eki márte Eýropa chempıony (2004, 2005), Qazaqstan chempıony (2010, 2011, 2012), Azııa chempıony (2009) jáne Azııa oıyndarynyń chempıony (2010), 2011 jylǵy Álem chempıonatynyń kúmis júldegeri PODOBEDOVA Svetlana Nıkolaevna dúnıege keldi.
Svetlana Nıkolaevna Podobedova RKFSR Irkýtsk oblysy Zımınsk aýdanynyń Zıma stantsııasynda týǵan. Aýyr atletıkamen 11 jasynan aınalysady. 2007 jyldan beri Qazaqstanda turady jáne jattyǵady.
2007 jyly Svetlana Podobedova jáne jattyqtyrýshysy Qazaqstan aýyr atletıka federatsııasymen kelissóz júrgizip, Qazaqstan atynan qatysýǵa kelisimin berdi. Alaıda, Reseı aýyr atletıka federatsııasy onyń bul áreketin quptamaı, Halyqaralyq aýyr atletıka federatsııasyna shaǵymdandy. Óıtkeni, ereje boıynsha qandaı da ziltemir kóterýshi basqa eldiń azamattyǵyn qabyldaǵannan keıin, arada eki jyl ótkennen soń ǵana resmı halyqaralyq jarystarǵa qatysa alady. Sóıtip, ol tórtjyldyqtyń basty jarysy Beıjiń Olımpıadasynan shet qaldy. 2009 jyly Podobedovanyń Almatyǵa kelgenine eki jyldan asyp, ol Qazaqstannyń atynan synǵa túse alatyn boldy.
2009 jylǵy Álem chempıonatynda julqı kóterý boıynsha 130 kg baǵyndyryp, Álem rekordyn jasasa, serpe kóterý synynda 160 kg kóterip, absalıýtti álem rekordymen 2-shi oryn alǵan Tsao Leıden (Qytaı) 23 kg basym túsedi. Podobedova 2009 jylǵy Álem chempıony ataǵyn taǵy je¬ńip aldy. Sonymen birge, ol Túrkııa¬nyń Antalıa qalasynda ótken Álem chempıonatynda dúnıe¬jú¬zi¬lik rekordqa úsh ret ózgeris engiz¬di.
