Búgin - Ókpeniń irińdi qabynýyna (pnevmonııa) qarsy kúrestiń dúnıejúzilik kúni

Data kúntizbede halyqaralyq, memlekettik, úkimettik eemes jáne jergilikti uıymdardyń, ǵylymı-zertteý jáne bilim berý ınstıtýttarynyń, qorlar men belsendi azamattardyń birlestigi - Balalar pnevmonııasyna qarsy jahandyq koalıtsııasynyń arqasynda paıda boldy. Koalıtsııa ókpeniń irińdi qabynýy problemasyna qoǵamnyń barlyq ınstıtýttaryn tartýdy kózdeıdi.

Bul maqsatqa qol jetkizýdiń quraldarynyń biri Pnevmonııaǵa qarsy kúrestiń dúnıejúzilik kúni boldy. Bul kúni densaýlyq saqtaý mekemeleri aldyn alý is-sharalaryn, medıtsınalyq tekserýlerdi uıymdastyrady. Onymen qosa, kóptegen eriktiler adamdarǵa pnevmonııa jáne onymen bolatyn qaýipter týraly aıtyp, aqparattyq paraqshalar men býkletterdi taratady.

2009 jyly Dúnıejúzilik densaýlyq saqtaý uıymy ıÝNISEF-pen birge Pnevmonııanyń aldyn alý jáne onymen kúresý is-qımyldarynyń jahandyq josparyn jarııa etti.

Birinshi kezekte ókpeniń irińdi qabynýyna balalar shaldyǵady. Bul syrqat búkil álemdegi kámelettik jasqa tolmaǵan jastar óliminiń basty sebepi bolyp tabylady. Jyl saıyn ol bes jasqa deıingi 1,4 mıllıon balanyń ómirin qııady. Bul JQTB (SPID), bezgek jáne qyzylshany qosa eseptegende kóp. Pnevmonııa barlyq elde taraǵan, biraq kóbinese odan Ońtústik Azııa men Afrıkada zardap shegýde.

Qarapaıym is-sharalar arqyly, mysalǵa, ımmýndaý men jaqsy tamaqtanýdyń arqasynda syrqattyń aldyn alýǵa bolady.