Búgin Nur-Sultan men Almatyda aýa lastanady

NUR-SULTAN. QazAqparat – Búgin Qazaqstannyń eki qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy QazAqparat «Qazgıdromet» RMK-na silteme jasap.

«2022 jylǵy 19 tamyzda Nur-sultan jáne Almaty qalalarynda qolaısyz meteorologııalyq jaǵdaılar kútiledi»,-delingen habarlamada.

Ózge shaharlarda meteoahýal norma sheginde bolady.

Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.