Búgin Nashaqorlyqqa jáne esirtkiniń zańsyz aınalymyna qarsy kúrestiń halyqaralyq kúni

Nashaqorlyqqa qarsy kúrestiń on jyldyǵy aıasynda, 1987 jyly qabyldanǵan BUU Bas Assambleıasynyń sheshimi boıynsha ótkizilip keledi.

Esirtkiniń zańsyz taralýymen kúrestiń, ne onyń aınalymyn qalaı da baqylaý áreketteriniń jasalyp kele jatqanyna 95 jyl boldy. 1909 jyldyń aqpanynda 13 eldiń qatysýymen ótken Shanhaı opıýmdyq komıssııasy Azııa elderinen esirtkiniń jetkizilýine shekteý qoıý joldaryn izdep-tabýǵa tyrysty. Búgin de, bir ǵasyr derlik ýaqyt ótkennen keıin bul túıitkildiń sheshilýiniń kókjıegi áli de alysta.

Problema tek ýshyǵa tústi. Shegýge arnalǵan opıýmnyń ornyna  qantamyrǵa engiziletin «aýyr» esirtkiler keldi, nashaqorlyq barǵan saıyn tamyrlana túsýde, nashaqorlyq jastar arasynda beleń alyp keledi.

BUU Esirtkige qarsy kúrestiń halyqaralyq kúninde balalarǵa, januıalar men ustazdarǵa esirtkini qoldanýdyń zııandylyǵy týraly aıtyp, bul problemanyń qoǵamda bar ekendigin moıyndaýǵa jáne onyń sheshilýine ózińniń jaýapkershiligińdi sezinýge asa nazar aýdarady.  Esirtkini paıdalanýǵa qarsy kúrestiń eń tıimdi ádisi retinde ata-ananyń tarapynan óz balalaryna degen qamqorlyq pen udaıy kóńil bólý sanalady.