Búgin Nıý-Iorkte WBA álem chempıony qazaqstandyq Gennadıı Golovkın amerıkandyq boksshy Gabrıel Rosadomen kezdesý ótkizedi
ASTANA. 19 qańtar. QazAqparat - Búgin Nıý-Iorkte MadisonSquareGarden arenasynda WBA álem chempıony jáne ortasha salmaq dárejesinde IBO beldiginiń ıegeri - qazaqstandyq Gennadıı Golovkın amerıkandyq boksshy Gabrıel Rosadomen judyryqtasady, dep jazdy «Vremıa» gazeti.
Basylym atap ótkendeı, sońǵy baspasóz máslıhatynda sóılegen sózinde álem chempıony Gennadıı Golovkın qysqa-nusqa qaıyrdy: «Bul shaıqas - ózim úshin jáne meniń qarsylasym úshin álemge bizdiń qabiletterimiz ben alǵyrlyǵymyzdy kórsetýge bolatyn ońtaıly múmkindik. Barlyqtaryńyzǵa rahmet».
Gabrıel Rosado óz kezeginde sózge sarańdyq tanytpady: «Men birinshi ortasha salmaq dárejesinde IBF chempıonynyń ataǵyna úmitker janmyn, negizinde men azdaǵan ýaqyt kútip, tıtýldy shaıqasty Kornelıýs Bandreıdjben ótkizýime bolar edi, biraq ortasha salmaq dárejesinde Gennadıı Golovkınge qarsy judyryqtasý úlken táýekel, qomaqty qarajat. Men bul kezdesýdi taǵatsyzdana kútýdemin. Meniń sporttaǵy jolym ońaı bolmady. Men maqsatyma eshqashanda ońaı jetip, sáti túsip, baǵy janyp ketken adam emespin. Degenmen qıyndyqtardyń adamdy ne álsiretetini, ne odan da myqty etetini belgili. Bul ómirdiń qıyndyqtary meni myqty bolýǵa ıtermeledi. Men bul kezdesýde jeńiske jetetinime senimdimin, buny men tolyq senimmen kesip aıta alamyn», - dedi ol.
