Búgin - Muhıttardyń dúnıejúzilik kúni
ASTANA. 8 maýsym. QazAqparat - Búgin - Muhıttardyń dúnıejúzilik kúni. Bul ataýly kún Birikken Ulttar Uıymy Bas Assambleıasynyń 2009 jylǵy 12 aqpandaǵy №A/RES/63/111 qararymen bekitilgen bolatyn.
Resmı túrde, joǵary memleketaralyq deńgeıde «Muhıttardyń dúnıejúzilik kúnin» ótkizý ıdeıasy Brazılııanyń Rıo-de-Janeıro qalasynda 1992 jyly ótken sammıtte aıtylǵan bolatyn. Sodan beri bul ataýly kún dúnıejúzilik muhıtqa qatysy bar elderdiń barlyǵynda derlik keńinen atalyp keledi. Bul kúni ekolog-ǵalymdar, ıhtıologtar, kóptegen akvarıýmdar, haıýanattar baqtary, delfınarıı qyzmetshileri muhıttyń qaıtalanbas tirshilik ıeleri men ósimdikterin olar úshin zor qaýip - adam ashkózdiginen saqtap qalý úshin óz kúshterin úılestiredi.
