Búgin Meıirim Nursultanov kásipqoı bokstaǵy alǵashqy jekpe-jegin ótkizedi
ASTANA. QazAqparat - Las-Vegasta 19 qarashada Astana ýaqytymen 20 qarashaǵa qaraǵan kúni Meıirim Nursultanov kásipqoı bokstaǵy alǵashqy jekpe-jegin ótkizedi, dep habarlaıdy QazAqparat tilshisi.
AQSh-ta orta salmaqtaǵy reseılik boksshy Sergeı Kovalev (30-0-1, 26 KO) pen amerıkalyq Andre Ýord (30-0, 15 KO) jekpe-jek keshi ótetini týraly osyǵan deıin aıtqan bolatynbyz. Osy boks keshi aıasynda qazaqtyń qaradomalaq uly Meıirim Nursultanov óziniń kásibı rıngtegi alǵashqy aıqasyn ótkizedi.
Meıirim osyǵan deıin «Astana arlandary» komandasynyń sapynda óner kórsetip, biraz tájirıbe jınaqtaǵan. Ol bıyl bir jola kásipqoı boksqa aýysty. Onyń qarsylasy - AQSh ókili Genrı Bekford.
