Búgin men ózimdi eki ese baqytty sezinip otyrmyn - Memlekettik stıpendııanyń ıegeri
ALMATY. Aqpannyń 3-i. QazAqparat /Erlik Erjanuly/ - «Búgin men ózimdi eki ese baqytty sezinip otyrmyn. Sebebi, 1999 jyly «Bolashaq» baǵdarlamasymen Frantsııada halyqaralyq quqyq salasynda bilim alyp keldim. Endi Memlekettik stıpendııanyń ıegeri atanyp otyrmyn.
Alǵashqy stıpendııa bul qazaqtyń bilimdi jastarynyń syrt elderde tereń bilim alyp kelýine jol ashsa, ekinshisi jastardy rýhanı jáne materıaldyq jaǵynan qoldaý bolyp otyr», deıdi Almaty telearnasynyń tańerteńgilik "Kúlip oıan" baǵdarlamasynyń júrgizshisi, aqyn Tanakóz Tolqynqyzy búgin Almatyda Elbasynyń bir top ádebıet pen óner qaıratkerlerine Prezıdenttik jáne Memlekettik stıpendııalardy tapsyrý rásiminde, dep habarlaıdy QazAqparat.
Frantsııada frantsýz mádenıetimen de tereń tanysqan ol, frantsýz poezııasyn qazaqshaǵa alǵashqy tikeleı tárjimalaýshy bolyp tabylady. Buǵan deıin frantsýz poezııasy qazaq tiline tek orys tilindegi aýdarmalardan tárjimalanyp kelgen bolatyn.
