Búgin memlekettiń joǵarǵy basshylaryna qastandyq jasaýdy, Astanada lańkestik aktini ótkizýdi oılastyrǵan kúdiktilerge úkim jarııalanady

6 adamnan turatyn topqa ekstremıstik úgitteý men memlekettiń joǵarǵy basshylaryna qastandyq jasaý, teraktige daıyndyq júrgizý boıynsha aıyp taǵylyp otyr. Bul týraly atalǵan vedomstvonyń baspasóz qyzmetinen málim etti.

«Astana terrorısteriniń isi» boıynsha basty sot májilisi mamyr aıynyń ortasynda bastaldy. Іs boıynsha 6 adam aıyptalyp otyr: S.A.Koshalakov, A.K. Sháripov , B.K. Ábdikerov, E.E.Qadirsizov, A.K. Qasqabaev, S.K.Júnisov.

Olarǵa jarylǵysh zattardy paıdalana otyryp, jarylysty jáne ózge de áreketterdi jasaý maqsatynda sóz baılasý, terrorıstik topty qurý, qarý jaraq pen oq-dárilerdi jymqyrý jáne basqa da aýyr qylmystar boıynsha aıyptar taǵylyp otyr.

Tergeý málimetterine sáıkes, S.Koshalakov lańkestik topty qurǵan. Onyń maqsaty lańkestik aktilerdi jasaý, sondaı-aq óltirý jáne qyzmettik qarýdy ıemdený pıǵylymen quqyq qorǵaý jáne arnaıy qyzmetterdiń qyzmetkerlerine shabýyl jasaýdy uıymdastyrý arqyly Qazaqstan aýmaǵynda Halıfat ıslam memleketin qurý bolǵan.

Aldyn ala tergeý organdarynyń málimetterine sáıkes, qoǵamdyq qaýipsizdikti buzý jáne halyqty qorqytý maqsatynda Koshalakovtyń basshylyǵyndaǵy terrorıstik top Beıbitshilik jáne kelisim saraıynda jarylysty, qyzmetkerlerdi óltirý maqsatynda Astanalyq UQD ǵımaratyna shabýyldy, sonymen qatar Qazaqstan Respýblıkasynyń joǵarǵy laýazymdy tulǵalaryna qastandyq jasaýdy uıymdastyrýdy josparlaǵan. Osy maqsatta A. Sháripov óziniń kámeletke tolmaǵan musylman zaıyby Nurǵalıevaǵa keri áser ete otyryp, joǵarǵy laýazymdy tulǵalardyń qatysýymen Astana qalasynda ótetin jańa Opera jáne balet teatrynyń ashylýy barysynda ózin-ózi jarý arqyly ózin qurbandyq etý maqsatynda ony shahıd retinde terrorıstik topqa kirýge daıyndaı bastaǵan.

Astana qalalyq sotynyń baspasóz qyzmetinen málim etkendeı, "astanalyq terrorısterge" qatysty is protsesi jabyq esik jaǵdaıynda ótti. Іsti Astana qalasy qylmystyq ister jónindegi mamandandyrylǵan aýdanaralyq sotynyń tóraǵasy M. Janǵuttınov qarady. Úkimniń jarııalanýy 14 tamyz, saǵat 14.30-ǵa belgilendi.