Búgin memlekettik qyzmet salasyndaǵy jańa zań óz kúshine endi

Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev dástúrli aptalyq brıfıng barysynda málim etti. Sondaı aq brıfıng aıasynda QR Memlekettik qyzmet isteri agenttiginiń tóraǵasy Álıhan Báımenov jańa zańnyń jańa erejelerin taǵy bir márte túsindirip ótti.

Eske sala ketsek, atalǵan zań memlekettik qyzmetke kirýdiń tıimdi ári aıqyn tetikteri, baǵalaý jáne mansaptyq josparlaý júıesin engizý, basqarýshylyq korpýsty qurý sekildi máselelerdi qamtıdy. Sondaı-aq, qujat kadr qyzmetteriniń rólin arttyryp, memlekettik qyzmetshilerdi kótermeleý men yntalandyrý sharalaryn, qyzmet etıkasyn jáne sybaılas jemqorlyqqa qarsy sharalardy jetildirý arqyly memlekettik apparattyń kásibıligi men tıimdiligin arttyrýǵa baǵyttalady. Sonymen birge qujatta memlekettik organdardyń jumysynda sabaqtastyqty qamtamasyz etý jáne jańa qyzmetkerlerdiń beıimdelýi úshin tálimdilik ınstıtýtyn engizý normalary da qamtylǵan. Memlekettik qyzmetshilerdiń qyzmet etıkasyn saqtaýy boıynsha jáne sybaılas jemqorlyqqa qarsy is-áreketteri jónindegi mindetterin kózdeý belgilenedi. Sybaılas jemqorlyqtyń aldyn alý maqsatynda «komandalyq kóshýge» barynsha tosqaýyl qoıý tetikteri qamtylyp otyr.