Búgin Mektep kitaphanalarynyń halyqaralyq kúni
ASTANA. 22 qazan. QazAqparat - Mektep kitaphanalarynyń halyqaralyq kúni 1999 jyldan bastap ıÝNESKO-nyń bastamasymen atap ótiledi.
Merekeni alǵash ret Mektep kitaphanalary halyqaralyq qaýymdastyǵynyń prezıdenti Blansh Výllz jarııa etti. 2005 jyly merekeniń resmı mártebesin atalmysh uıymnyń jańa prezıdenti Pıter Djenko qýattady.
2008 jyly is-shara jańa deńgeıge shyqty - qańtar aıynda joba úılestirýshisi Rık Malholland Mektep kitaphanalarynyń halyqaralyq kúni - halyqaralyq aılyqqa aınalatyndyǵyn jarııa etti. Osy jyldyń qazan aıynda «Sizdiń mektep kitaphanańyzdaǵy - saýattylyq jáne bilim alý» uranymen Mektep kitaphanalarynyń alǵashqy aılyǵy ótti.
Aktsııa qatysýshylary mektep kitaphanalaryna arnalǵan is-sharalardy ótkizý úshin kez kelgen kúndi tańdaı aldy. Keıbireýler bir kúnmen ne aptamen shektelmeı, bir aı boıy kitap jınaý syndy uzaqmerzimdi is-sharalar jarııalap otyrdy.
